ಗ್ರಹಣದಂದು ಕಂಡ ಕನಸು
,,,,,,,,,,,,,,,,,,,,,,,,,,,,,,,,
ಊರ ಜಾತ್ರೆಯ
ಸದ್ದು ಗದ್ದಲದಲ್ಲೂ
ಅವಳ ಗೆಜ್ಜೆಯ ಧನಿಯ
ಕಿವಿ ಗುರುತಿಸಿದೊಡನೆಯೇ
ತಡಮಾಡದೆ ಕಣ್ಣುಗಳು
ಅವಳ ತುಂಬಿಕೊಳಲು
ಕಾತರದಿ ಹುಡುಕಿದವು.
ಅವಳ ಧನಿ ಎದೆಗೆ ತಾಗಿ
ಮಲ್ಲಿಗೆಯ ಘಮಲು
ನಾಸಿಕವ ತಲುಪಿ
ಕಳೆದು ಹೋದ ನನ್ನ
ಜಾತ್ರೆಯಲೇ ಜೊತೆಯಾದಂತೆ
ಕನಸೊಂದು ಬಿತ್ತು ..!
ಸೂರ್ಯನಿಗೆ ಗ್ರಹಣ ಹಿಡಿದ
ಮಟ್ಮಟ್ಟ ಮಧ್ಯಾಹ್ನದಲ್ಲಿ. ..!
ಆಮೇಲೆ ನನಗೂ ಗ್ರಹಣ ಹಿಡಿಯಿತು. .!
ಒಲವ ಜಾತ್ರೆ ಏಂದೊ...?
ಚಂದ್ರ ಗ್ರಹಣ ಹಿಡಿದಂದಾದರೂ
ಎಲ್ಲಾ ನನಸಾಗಿ ಬಿಡಲಿ.!
ಎನ್ನುವ ಆಶಾವಾದ
ಇನ್ನೂ ಇದೆ ಎದೆಯಲಿ ಹಾಗೇ. ..!
,
No comments:
Post a Comment