ಮೌನಿಯ ಒಲವು..
......................
ಇನ್ನೂ ... ಇನ್ನೇನು ಹೇಳಲಿ...
ಈ ಮೌನವೇ ಎಲ್ಲಾ ಹೇಳಿದೇ..
ಸುಮ್ಮನಿರುವ ಸೊನ್ನೆ ನಾನು
ಸುಮ್ಮನೆ ಒಂದಾಗಿ ಜೊತೆಯಿರು ಬೆಲೆಯಿದೆ.
ಅಲೆಯೋ ಕಡಲಲೆಗಳ ಎಣಿಸು ..
ನನ್ನೊಡನೇ ಇನ್ನೂ ಇದ್ದರೆ ಮುನಿಸು
ದೂರ ಕೂರಬೇಡ..
ಸುಮ್ಮನೆ ಕಣ್ಣಲಿ ಗಾಳ ಹಾಕೆನು.
ಕಾಳು ಚೆಲ್ಲಬೇಡ.
ಒಲವ ಹಸಿವಿದೆ...
ಬಿಕ್ಷೆ ಬೇಡದ ಸ್ವಾಭಿಮಾನಿ ನಾ
ನೀನೇ ಉಪಚರಿಸು.
ನನಗೆ ಒಂದಿಷ್ಟು ಕನಸು ಕಳಿಸು.
ಗಿಜಿಗುಡುವ ಜನರ ನಡುವೆ ಎದೆಯಲಿ
ನಿನ್ನ ಧನಿಯದೇ ನಿಲ್ಲದ ಕಲರವ
ಗುನು ಗುನುಗುವ ಒಲವಾ ಗುಂಗಲೂ
ನಿನಗಾಗಿಯೆ ಕಲಿತೇ ಸಕಲವ.
ಒಲವಾ ಗುರುಕುಲದ ಬಾಗಿಲು ತೆರೆಯೇ
ಹೆಬ್ಬೆರಳು ನೀಡುವ ತ್ಯಾಗಿಯಲ್ಲ ...
ಸ್ವಾರ್ಥಿ ನಾ ನಿನ್ನ ಪ್ರೀತಿಗೇ...
ನನ್ನೊಲವೇ ಧಕ್ಷಿಣೇ ನಿನಗೇ.....
( ಶೀಘ್ರವೇ "ಬಾವಬಂಡಿ" ಬಾವಸಂಕಲನ ಬಿಡುಗಡೆ. )
No comments:
Post a Comment